Samarqand shahrida yog‘gan qisqa muddatli yomg‘ir va shamol bir necha tabiiy hodisalarni keltirib chiqardi. Jumladan, Universitet xiyoboni va boshqa hududlardagi daraxtlarga shikast yetkazgan. Ayrim ko‘chalarni suv bosdi. Shuningdek, singan daraxt shoxlari avtomashinalarga ham zarar yetkazgan.

Shu bois Samarqand shahrida yog‘adigan kuchli yomg‘irdan so‘ng yuzaga kelishi mumkin bo‘lgan suv toshqini va turli xil ko‘ngilsizliklarni oldini olish maqsadida Samarqand shahar hokimligi boshchiligida tezkor xavfsizlik guruhi tashkil etilgan.

Mazkur guruh tomonidan texnik vositalar yordamida shaharning har bir hududi nazorat qilib boriladi va mavjud muammolarga tezda barham beriladi.