Samarqand shahrida 7 fevral kuni «Nexia»siga olov chiqaradigan «glushitel» o‘rnatgan haydovchi jarimaga tortildi. Bu haqda Yo‘l harakati xavfsizligi bosh boshqarmasi matbuot xizmati xabar berdi.

Ma’lum qilinishicha, Mirzo Ulug‘bek ko‘chasida «Nexia» rusumli davlat raqami «30 O 057 QA» bo‘lgan haydovchi I.Sh.ga nisbatan Yo‘l harakati qoidalarining 3-ilovasi (transport vositalaridan foydalanishni taqiqlovchi shartlar)da belgilangan talabni buzib harakatlanganligi bo‘yicha chora ko‘rilib, avtomobil vaqtincha saqlash uchun jarima maydonchasiga joylashtirilgan.