2021 yil 19 dekabr kuni soat 14:20da Oqdaryo tumani “Navro‘z” MFY A.Temur ko‘chasida joylashgan "Lazzat" oshxonasida chaqnash sodir bo‘lgan (voqea joyida 2 ta propan gaz balloni bo‘lgan).

Chaqnash natijasida oshxonaning taxminan 40 kv.m. maydonida shift qismi va jihozlar yongan.

Birlamchi ma’lumotga ko‘ra, 10 nafar fuqaro tan jarohati olib, tuman shifoxonasiga olib borilgan.

Yong‘in-qutqaruv ekipaji soat 14:23da hodisa joyiga yetib borib, 14:29da yong‘in qurshab olingan va soat
14:54da o‘chirilgan.

Voqea joyiga viloyat hamda tuman FV bo‘limi rahbar xodimlari, IIB, Prokuratura, Tibbiyot, Gaz xizmatlari xodimlari va 2 ta yong‘in-qutqaruv ekipaji jalb etilgan.

Sodir bo‘lgan holat yuzasidan dastlabki tergovoldi surishtiruv ishlari olib borilgan.

Eslatib o‘tamiz, avvalroq Surxondaryoda ham portlash sodir bo‘lgandi.