5 aprel kuni Paxtachi tumani “Saroy” mahallasida yashovchi 15-20 nafar fuqarolar shu mahallada o‘rnatilgan transformator buzilganligi sababli, elektr energiyasi yo‘qligidan norozi bo‘lib, M-37 yo‘lining Paxtachi tumani Saroy mahallasi hududidan o‘tuvchi qatnov qismini yopishga harakat qilishgan. Bu haqda Samarqand viloyati IIB Axborot xizmati xabar berdi.
Hodisa joyiga IIB xodimlari borib, fuqarolar bilan tushuntirish ishlari olib borilib, uylariga tarqatib yuborilgan.
Hozirda ushbu mahallaga yangi transformator olib kelib o‘rnatilmoqda.