Shu kunlarda ijtimoiy tarmoqlarda tarqalgan video barchaning e’tiborini tortdi. Unda ayol yo‘lda ketayotib dabdurustdan gullar solingan tokchani tepib yuborgan. Yaxshiyamki gullar yo‘lga chiqib ketmagan. Aks holda u mashinalarning YTHga uchrashiga sabab bo‘lishi mumkin edi — deb xabar bermoqda ’Everyday.uz’.

Viloyat huquq tartibot organlarining mazkur holat yuzasidan izoh berishicha, hodisa Samarqand shahrining Mirzo Ulug‘bek ko‘chasida sodir bo‘lgan. Gullarni tepgan ayol esa 42 yoshli shaharlik G.M. ekani aniq bo‘lgan.

Surishtiruvlar natijasiga ko‘ra ayol Ruhiy kasalliklar dispanserida ro‘yhatda turishi, oldin ham kasalligi tufayli davolangani ma’lum bo‘lgan. Ta’kidlanishicha, ayni vaqtda ayolni yana ruhiy kasalliklar dispanseriga yotqizish ishlari olib borilmoqda.