Avvalroq, Samarqand shahridagi 31 ta umumiy o‘rta ta’lim maktabining o‘qituvchi va o‘quvchilari orasida koronavirus infeksiyasini yuqtirish holatlari aniqlanganligi sababli shu maktablarda 14 kunga o‘quv jarayoni masofaviy shaklga o‘tkazgilgan edi.
Kecha, 21 aprel kuni ham 1, 19, 41 va 47-maktab o‘quvchilari orasida kasallik yuqtirish holati aniqlandi va bu maktablarda ham o‘qish onlayn tartibda olib boriladigan bo‘ldi. Bu haqda Samarqand shahar hokimligi Axborot xizmati xabar berdi.
Shunday qilib, ayni paytda 35 ta maktabda ta’lim jarayoni masofaviy tarzda olib borilyapti. Ushbu maktablarning o‘qituvchi va o‘quvchilaridan olinadigan tibbiy test natijalariga qarab o‘qishlar an’anaviy shaklga o‘tkazilishi mumkin.
Eslatib o‘tamiz, koronavirusdan kasallanish bo‘yicha so‘nggi kunlardagi ko‘rsatkichlarda Samarqand viloyatida bemorlar soni oshgani ma’lum qilingan edi.