Samarqandning yangi qurilayotgan aeroporti hozirgidan ko‘ra yetti barobar ko‘proq reyslarni qabul qilish quvvatiga ega bo‘ladi. Agar hozirda aeroport haftasiga 40 tagacha reysni qabul qilayotgan bo‘lsa, yangi aeroport buncha reysni kuniga qabul qiladi deb xabar qilmoqda Podrobno nashri.

“Samarqand xalqaro aeroporti” kompaniyasining bosh iqtisodchisi A.Asliyevning so‘zlariga ko‘ra, yangi aeroport soatiga 600 tagacha yo‘lovchilarga xizmat ko‘rsata oladi.

Shuningdek, u barcha turdagi samolyotlarni cheklovlarsiz qabul qila oladi. Aeroportda 22 tagacha samolyot uchun joy bo‘ladi.

Majmua yangi uchish-qo‘nish yo‘lagi, perronlarni, shuningdek, 730 ta mashinalar uchun to‘xtash joyini va aeroportning 4 qavatli binosi (podvalni hisobga olgan holda), yuqori darajadagi qulaylikdagi CIP-zallar, xizmat ko‘rsatish punktlarini o‘z ichiga oladi.