Samsung kompaniyasiga tegishli kompaniyalarning kotirovkalari guruhning sobiq rahbari Li Gong Hi vafotidan bir kun o‘tib ko‘tarildi. Investorlar biznesmenning oilasiga ulkan meros solig‘i bilan yordam berish uchun ko‘proq dividendlar to‘lashga umid qilishmoqda.

Samsung kompaniyasining sobiq rahbari taxminan 16 milliard dollarlik kompaniyaning ulushiga egalik qilgan va taxminan 20 milliard dollarlik boyligi bilan Janubiy Koreyaning eng boy odami bo‘lgan, Koreyadagi meros solig‘i 65 foizga yetishi mumkin, deb yozadi Financial Times. Bu shuni anglatadiki, Li oilasi biznesmen aktivlarini meros qilib olish va mamlakatdagi eng yirik kompaniya ustidan nazoratni saqlab qolish uchun davlatga 10,4 milliard dollargacha to‘lashi kerak. Qonunga ko‘ra, soliq to‘lovi besh yilga uzaytirilishi mumkin.

"Samsung aksiyalari o‘sib bormoqda, chunki guruhning bo‘linmalari oilaga meros solig‘ini to‘lashga yordam berish uchun ko‘proq dividendlar to‘lashlari mumkin", - dedi FT’ga Score bosh direktori tadqiqot rahbari Park Ju Gen.

Dushanba kuni Samsung C&T korporatsiyasi aksiyalari 21 foizga o‘ynadi. Samsung Life sug‘urta bo‘limi - 15,7 foizga, Samsung BioLogics, Samsung SDS va Samsung Engineering aksiyalari ko‘tarildi.

Li Gong Hi Janubiy Koreyada 25 oktyabr kuni 78 yoshida vafot etdi. Aynan u Koreya kompaniyasini dunyodagi eng yirik smartfonlar, televizorlar va xotira kartalari ishlab chiqaruvchisiga aylantirgan. O‘tgan asrning 90-yillarida Li o‘pka saratoni bilan davolangan va 2014 yilda u yurak xurujiga uchragan, shundan so‘ng u kompaniya rahbariyatidan iste’foga chiqqan. Imperiyaning merosxo‘ri uning yagona o‘g‘li Li Je Yon bo‘ladi, u aslida 2014 yildan beri Samsung’ni boshqarib kelmoqda.