Avval xabar berganimizdek, joriy yilning 1 may kuni soat 05:55da Sirdaryo viloyatida joylashgan “Sardoba” suv ombori dambasining 6 piket devorida suv chiqishi yuzaga kelgan. Natijada Sardoba tumani Qo‘rg‘ontepa aholi yashash punktiga suv kirgan edi.
Sardoba suv omboridan suv toshdi. 10 mingdan ortiq aholi evakuatsiya qilindi (video)
FVVning xabar berishicha, ayni vaqtda “Sardoba” suv omboridan suv chiqish hodisasi to‘xtagan. Sardobada sodir bo‘lgan suv toshqini viloyatning boshqa hududlarida kuzatilmagan. Hukumat komissiyasi tomonidan suv toshqini oqibatlarini bartaraf etish, evakuatsiya qilingan aholiga zarur shart-sharoitlarni yaratish bo‘yicha qator choralar ko‘rilmoqda.
Ma’lum qilinishicha, vaziyat to‘liq nazoratga olingan, sarosimaga tushishga asos yo‘q.