«Sardoba» ofati oqibatida qishloq xo‘jaligiga qanday zarar yetdi va qanday tezkor choralar ko‘rildi?

AOKA huzuridagi shtabda o‘tkazilgan brifingda Qishloq xo‘jaligi vazirligi matbuot kotibi Nigora Xojayeva bu to‘g‘risida batafsil ma’lumot berdi:

Talafotni bartaraf etish bo‘yicha 3 ta ishchi guruh tuzildi. Zarar ko‘rgan maydonlarni tiklash uchun 421 ta texnika, 200 ta ko‘chma nasos, 940 nafar ishchi kuchi jalb etildi;

«Markaziy tarmoq»da 3,8 kilometr — 3 ta tumanda 9,5 km xo‘jaliklararo kanallar to‘liq tiklandi;

3 260 gektar chigit, 9 027 gektar dukkakli, 1 570 gektar sabzavot-poliz ekinlari qayta ekildi;

1 656 ga maydonning meliorativ holati yaxshilandi;

barcha tumanlarda qo‘shimcha 4 253 gektar maydonga chigit ekildi;

talafot ko‘rgan g‘o‘za maydonlarining 2 054 gektar (21%), g‘alla maydonlarining 2 026 gektarida buzilmasdan agrotexnik tadbirlar amalga oshirilmoqda;

viloyatga 864 tonna o‘g‘it va 3,2 ming tonna fosforli o‘g‘it yetkazib berildi.