AOKA huzuridagi shtabda o‘tkazilgan brifingda Favqulodda vaziyatlar vazirligi matbuot kotibi Murod Sodiqov quyidagilarni ma’lum qildi:
Ta’mirlash ishlariga 14 000 dan ziyod ishchi va 800 ta texnika jalb qilingan;
Oqoltin, Sardoba va Mirzaobod tumanlarida 252 ta qayta ta’mirlanayotgan aholi yashash xonadonida yong‘in xavfsizligi qoidalari o‘rganish ishlari olib borildi. Natijada aniqlangan 380 ta kamchilikdan 282 tasi joyida bartaraf etildi;
1205 qisqa raqami orqali 8 171 ta murojaat kelib tushdi. Shundan 8 148 tasi ijobiy hal etildi, qolgan 23 ta murojaat tegishliligiga ko‘ra tashkilotlarga yuborilib, ijrosi nazoratga olingan;
Talofat ko‘rgan hududlarda hamda viloyat bo‘yicha 218 ta turarjoyda 49 550 kv. m. maydonda dezinfeksiya tadbiri o‘tkazildi;
zarar ko‘rgan masjid hamda qabristonlarda ta’mirlash va tiklash ishlari to‘liq yakunlandi;
xalqaro va davlat ahamiyatidagi yo‘llarning 35 kilometri hamda 32 ta ko‘prik qayta tiklandi.