Saudiya Arabistonining O‘zbekistondagi yangi elchisi tayinlandi

Saudiya Arabistonining O‘zbekistondagi yangi elchisi tayinlandi

Bugun, 2 noyabr kuni tashqi ishlar vaziri Abdulaziz Komilov Saudiya Arabistoni Podshohligining Favqulodda va Muxtor elchisi yetib tayinlangan Yusuf al-Utaybiyni qabul qildi.

Suhbat chog‘ida tomonlar muntazam muloqotni davom ettirish va amaliy hamkorlikni, jumladan, tashqi ishlar vazirliklari o‘rtasida siyosiy maslahatlashuvlar hamda savdo, iqtisodiyot, fan va texnologiyalar, madaniyat, sport va yoshlar masalalari bo‘yicha hukumatlararo komissiyalar majlislarini o‘tkazish orqali hamkorlikni yo‘lga qo‘yishga o‘zaro tayyor ekanliklarini bildirdilar.

Energetika, qishloq xo‘jaligi va turizm sohalarida investitsiya loyihalarini birgalikda amalga oshirish masalalariga alohida e’tibor qaratildi.

Muloqot chog‘ida tomonlarni qiziqtirgan boshqa masalalar ham ko‘rib chiqildi.