Turkmanistonning yangi prezidenti ilk tadbirini o‘tkazdi. Bu haqda Turkmaniston OAVlari xabar qildi.

Serdar Berdimuhammedovning ilk tadbiri ommaviy shanbalik bo‘ldi. U 20 mart kuni o‘tkazildi. Prezident tadbirga Mercedes-Maybach GLS 600 mashinasida keldi. Ta’kidlash joiz, uning otasi, avvalgi prezident Gurbanguli Berdimuhammedov ham ranglari bir xil bo‘lgan (oq va yashil) huddi shunday mashinada, 2021 yilning 7 noyabrida ko‘rinish bergan edi. Faqat uning otasida 01 21 AGA raqami bo‘lgan bo‘lsa, yangi prezidentda uning raqami 01 22 AGA bo‘lgan. OAVda ushbu raqam yilga qarab almashtirilgan degan tahmin o‘rtaga tashlangan.

Ko‘plab OAVlarda tadbirning o‘tkazilishi avvalgi davlat rahbarining tadbirlari bilan o‘xshash ekani yozilmoqda. Faqat avvalgasida tadbirga kelganlar «Arkadaga shohrat!» (Arkadag‘ga shuhrat) deya hayqirgan bo‘lsa, bu safar ular «Arkadagli Serdara shohrat!» (Arkadagi bor Serdarga shohrat) deb olqishlashmoqda.