Toshkent shahri Sergeli tumani hokimi Elbek Shukurov mehnatda tashabbuskorligini rag‘batlantirish maqsadida o‘ziga o‘zi 35 million so‘m ustama puli belgiladi — deya xabar bermoqda ’Bugun.uz’ nashri.

Ma’lum bo‘lishicha, Xalq deputatlari Sergeli tumani kengashining tegishli qarori bilan Toshkent shahar hokimining 2021 yil iyul, avgust, oktyabr va noyabr oyidagi farmoyishlariga asosan Sergeli tumani hokimi Shukurov Elbek Habibullayevich mehnatda tashabbuskorlik ko‘rsatgan. U o‘zini o‘zi rag‘batlantirish maqsadida shu oylar uchun lavozim maoshiga ustama haqi to‘lash uchun 35 million so‘m mablag‘ tuman mahalliy byudjetining uchinchi chorak daromadlar rejasini oshirib bajarilgan qismi hisobidan tuman hokimligiga ajratgan.