Toshkent metropolitenining «Sergeli» yo‘nalishida harakatlangan poyezd 8 aprel kuni to‘xtab qolgani haqida xabar berilgan edi. «O‘zbekiston temir yo‘llari» AJ holat yuzasidan bayonot berdi.
Xabarga ko‘ra, Toshkent metropolitenining Sergeli yo‘nalishidagi harakatini to‘xtatish sababi kontakt relsining kronshteyni ushlab turish qurilmalaridan chiqib ketish oqibatida nosozlik kelib chiqqan. Voqea yuzasidan rasmiy tergov davom etmoqda, sabablari o‘rganilmoqda. Yaqin bir necha soat ichida Sergeli liniyasida metro poyezdlari harakati tiklandi.
Eslatib o‘tamiz, «Chilonzor» yo‘nalishidagi «Olmazor» bekati tomon harakatlangan metro poyezdi 8 aprel, soat 10:45 da yerusti yo‘lida to‘xtab qolgan. «Olmazor» va 1-bekat oralig‘ida to‘xtagan poyezd mashinistining aytishicha, bunga texnik muammo sabab bo‘lgan. Vagonda bo‘lgan yo‘lovchilar 15 daqiqa kutishdan so‘ng vagonlardan chiqib piyoda yo‘lga tushgan.