Ijtimoiy tarmoqlarda tarqalgan Sergeli metro liniyasida poyezd relsdan chiqib ketgani haqidagi xabarlarga izoh berildi.  «O‘zbekiston temir yo‘llari» aksiyadorlik jamiyati axborot xizmatining xabar berishicha, Facebook ijtimoiy tarmog‘ining «Potrebitel.uz» guruhida 9 yanvar kuni Sergeli metro liniyasida poezdning relsdan chiqib ketgani haqida post qoldirilgan. Aksiyadorlik jamiyati ushbu ma’lumot yolg‘on ekanini ma’lum qildi. Ta’kidlanishicha, Toshkent metrosining boshqa yo‘nalishlarida bo‘lgani kabi Sergeli yo‘nalishida ham favqulodda holatlar bo‘lmagan.