Shahrisabzda YTH sabab 2 nafar o‘quvchi qiz vafot etdi

Shahrisabzda YTH sabab 2 nafar o‘quvchi qiz vafot etdi

Qashqadaryoda 18 sentyabr kuni Lacetti va Nexia ishtirokida YTH sodir bo‘ldi. Bu haqda viloyat YHXB Matbuot xizmati xabar berdi.

Shu kuni soat 17:20 atrofida Shahrisabz tumani hududidan o‘tgan yo‘lda Lacetti o‘z yo‘nalishida harakatlanib kelayotgan Nexia’ning yo‘liga chiqib ketib, u bilan to‘qnashgan.

YTH oqibatida Nexia’da bo‘lgan 2 nafar voyaga yetmagan qiz og‘ir tan jarohati olib, shifoxonada vafot etgan.

Holat bo‘yicha tuman IBB huzuridagi tergov bo‘limi tomonidan JKning 266-moddasi (transport vositalari harakati yoki ulardan foydalanish xavfsizligi qoidalarini buzish) 3-qismi "a" bandi bilan jinoyat ishi qo‘zg‘atilib, hozirda surishtiruv harakatlari olib borilmoqda.