O‘zbekiston rahbari bugun, 11 noyabr kuni Istanbulga jo‘nab ketdi.

Shavkat Mirziyoyev Turkiyaning Istanbul shahrida Turkiy tilli davlatlar hamkorlik kengashining sakkizinchi sammitida ishtirok etadi. Sammitda ko‘p tomonlama munosabatlarni mustahkamlash, savdo, investitsiya, “yashil” iqtisodiyot, raqamli texnologiyalar, transport va madaniy-gumanitar sohalardagi aloqalarni rivojlantirish masalalari muhokama qilinadi.

Mamlakatimiz rahbari tashrif doirasida qator ikki tomonlama uchrashuvlar ham o‘tkazadi.