O‘zbekiston Respublikasi Prezidenti Shavkat Mirziyoyev 18 mart kuni Qozog‘iston Respublikasi Prezidenti Qosim-Jomart Toqayev bilan telefon orqali muloqot qildi.
Prezident matbuot xizmatining ma’lum qilishicha, suhbatda joriy epidemiologik vaziyat hamda ikki mamlakatda koronavirus infeksiyasi tarqalishini oldini olish bo‘yicha ko‘rilayotgan chora-tadbirlar muhokama qilingan.
Shuningdek, koronavirus pandemiyasiga qarshi samarali kurashish va ehtimoliy oqibatlarni kamaytirish maqsadida yaqindan hamkorlikni davom ettirish va o‘zaro muvofiqlashgan harakatlarni amalga oshirish qayd etildi.
Muloqot so‘ngida davlat rahbarlari yaqinlashib kelayotgan Navro‘z munosabati bilan bir-birlarini samimiy tabrikladi.