Prezident Shavkat Mirziyoyev 2021 yilning 13 may kuni Respublika onkologiya va radiologiya tibbiyot markaziga tashrif buyurgandi.
Prezident tashrifi chog‘ida markazda davolanayotgan bemorlar bilan suhbatlashdi. Ular orasida asli Namangan viloyatining Chust tumanida tug‘ilgan, hozirda Uchtepa tumanida istiqomat qilayotgan Sabrina Insofaliyeva ham bor edi.
Prezidentning topshirig‘i bilan Sabrina hozirda Rossiya Sog‘liqni saqlash vazirligiga qarashli N.N.Bloxin nomidagi onkologik markazda davolanmoqda. Bu haqda Uchtepa tumani hokimligi ma’lum qildi.