Bugun AOKA huzuridagi shtabda Yo‘l harakati xavfsizligi bosh boshqarmasi matbuot kotibi Azizxon Murodov ishtirokida brifing o‘tkazildi.

Brifingda muhim savollar yuzasidan javob qaytarildi.

Savol: Karantin paytida yuk mashinalariga graviy, tuproq blok-g‘isht mahsulotlarini tashishga ruxsat beriladimi?

Javob: Ha, ruxsat etiladi. Yuk avtotransport vositalari uchun yo‘l patrul xizmati maskanlari, blok va to‘siq postlarda alohida yo‘laklar tashkil etilgan.

Savol: 10 iyuldan boshlab shaxsiy avtomobilda litsenziya orqali dostavka xizmatida ishlashga ruxsat bormi yoki faqat stikeri borlar harakatlanishi mumkinmi?

Javob: «Avtotransport vositalari harakatlanishiga maxsus ruxsatnomalar talab etilmaydigan holatlar ro‘yxati»ning 5-bandiga ko‘ra, yetkazib berish xizmati (keytering) tashkilotlarining avtotransport vositalariga maxsus ruxsatnoma talab etilmaydi.