Ramazon oyida “Hilol-Nashr” nashriyoti yurtimiz musulmonlari uchun yana bir tuhfa – fazilatli shayx Muhammad Sodiq Muhammad Yusuf hazratlarining kitoblari asosida savol-javob dasturini tayyorladi.
O‘zbekiston musulmonlari idorasi matbuot xizmatining ma’lum qilishicha, hozircha shayx hazratlarining 10 ga yaqin kitobidan tayyorlangan savol-javoblar dasturga kiritilgan. Yana bir nechta kitoblar bo‘yicha savol-javoblar tayyorlanib, dasturga qo‘shish rejalashtirilgan.
“Hilol-Nashr” nashriyotining ijtimoiy tarmoqlaridagi sahifalarida jumladan bunday deyiladi: “Agar sizda ham ustozimizning asarlari asosida savol-javob tuzish istagi bo‘lsa, boshqalarga ilm tarqatish xohshi bo‘lsa, biz bilan bog‘laning va o‘zingiz yoqtirgan kitoblardan savol-javob tuzing. Unutmang, siz sabab bir odam ilm o‘rgansa, manfaat olsa, bu siz uchun hadisda keltirilgandek “qizil tuyalardan ham yaxshiroqdir”.
Dasturni ushbu havola orqali yuklab olishingiz mumkin.