Avval ma’lum qilinganidek, AOKA shtabida Sanitariya-epidemiologik osoyishtalik agentligi direktorining birinchi o‘rinbosari Botir Qurbonov ishtirokida brifing bo‘lib o‘tdi.
Unda muhim savol va murojaatlar yuzasidan javob qaytarildi:
Savol: Davolanish uchun shifoxonaga borganda koronavirus infeksiyasiga tekshirilganlik to‘g‘risida ma’lumotnoma so‘ralishi to‘g‘rimi?
Javob: Yo‘q, davolash-profilaktika muassasalariga davolanishga va tug‘ruq majmualariga qabul qilishda koronavirus kasalligiga tekshirish TALAB QILINMAYDI.
Faqat koronavirus yuqish ehtimoli yuqori bo‘lgan quyidagi shaxslardan biologik namuna olinib, o‘rnatilgan tartibda tekshirilishi belgilangan:
- bemor bilan birlamchi (yaqin) muloqotda bo‘lgan shaxslar;
- ikkilamchi muloqotda bo‘lgan shaxslar;
- xorijiy davlatlardan kelgan shaxslar;
- tibbiyot xodimlari.