Shimoliy Koreya davlat ommaviy axborot vositalari “dunyodagi eng qudratli qurol“ deb ta’riflagan suvosti kemasi tomonidan uchirilgan ballistik raketaning yangi turini namoyish qildi.

Raketalarning bir nechtasi rahbar Kim Chen In nazorat qilgan paradda namoyish etildi, deb xabar qilmoqda davlat ommaviy axborot vositalari.Shimoliy Koreyaning davlat ommaviy axborot vositalari tomonidan chiqarilgan tasvirlarda kamida to‘rtta yirik oq-qora raketalar bayroq ko‘targan olomon yonidan o‘tayotgani aks etgan.

Tahlilchilar bu ilgari bo‘lmagan qurol bo‘lganini ta’kidladilar. “Yangi yil, yangi Pukguksong“, deb tvitterda Shimoliy Koreya mutaxassisi Ankit Panda dengiz osti kemalari uchiradigan ballistik raketalari (SLBM) uchun Shimoliy Koreya nomidan foydalangan.Charm po‘stin va mo‘yna shapka kiyib olgan janob Kim Pxenyandagi Kim Ir Sen maydonidagi piyodalar qo‘shinlari, artilleriya va tanklarni o‘z ichiga olgan ko‘rgazmani tomosha qilayotganda jilmayib, qo‘lini silkitib tasvirlangan.

O‘tkazilgan qurol namoyishi haqida “Dunyodagi eng qudratli qurol - suvosti raketasi - ballistik raketa inqilobiy qurolli kuchlarning qudratini kuchli namoyish etib, maydonga birin-ketin kirib keldi“, deb yozdi Koreyaning rasmiy markaziy axborot agentligi.