9 sentyabrdan 16 sentyabrgacha Shimoliy Qozog‘iston viloyatining yettita tumanida har xil turdagi parrandalarning nobud bo‘lishi qayd etildi. 

«Milliy ma’lumotnoma markazi o‘limiga yuqori patogenli parranda grippi sabab bo‘lganligini aniqladi. Qabul qilingan qoidalarga muvofiq, Qozog‘iston yuqumli kasallik haqida Butunjahon hayvonlarni sog‘liqni saqlash tashkilotiga xabar berdi», - deyiladi Qozog‘iston Qishloq xo‘jaligi vazirligi xabarida.

2020 yil 17 sentyabrda Shimoliy Qozog‘iston viloyatining yetti tumanida karantin joriy etildi. Karantin shartlariga ko‘ra odamlar va transport vositalarining harakati imkon qadar cheklangan bo‘ladi, karantin zonasiga kirish va chiqish joylarida dezinfeksiya to‘siqlari o‘rnatiladi.

Karantin oxirgi holatdan 21 kun o‘tgach bekor qilinadi.