Adliya vazirligining xabar qilishicha, Farg‘ona viloyatining turistik salohiyatini yanada rivojlantirish chora-tadbirlari to‘g‘risida Hukumat qarori qabul qilindi.

Qarorga muvofiq, Farg‘ona viloyati hokimligi huzurida davlat muassasasi shaklidagi “Shoximardon” turizmni rivojlantirish direksiyasi tashkil etildi.

Direksiyaning asosiy vazifalaridan biri Farg‘ona tumani “Shoximardon” va “Yordon” MFYlarda turizmni rivojlantirish konsepsiyasini ishlab chiqish va amalga oshirilishini ta’minlash, ushbu MFYlarning ekoturizm salohiyatini inobatga olgan holda yangi turizm yo‘nalishlarini ishlab chiqishdan iborat.