Sog‘liqni saqlash vaziri o‘rinbosari Elmira Bositxonova AOKA huzuridagi shtabda o‘tkazilayotgan matbuot anjumanida ayrim faktlarni keltirib o‘tdi:

«Biz karantin davrida, ya’ni besh oy davomida 3 mingdan ortiq homilador ayollarni karantinga oldik. Ularning 208 nafarida koronavirus aniqlandi. Ushbu infeksiyaning homilador ayol va uning homilasiga qanday ta’sir ko‘rsatishini ortiqcha ta’riflashga hojat yo‘q.

Bugungi kungacha 45 mingdan ortiq bolalarimiz karantinda bo‘ldi. 328 nafar bola esa afsuski, koronavirus bilan kasallandi. Mana vaziyat qanday jiddiy».