Farg‘ona viloyati hokimi Shuhrat G‘aniyev yaqinda Janubiy Koreyaga qilgan xizmat safari chog‘ida mutaxassislar bilan maslahatlashib, koronavirusni aniqlovchi ekspress-testlarlarni viloyatga olib kelish borasida kelishuvga erishdi.
Bugun viloyatga koronavirus infeksiyani tezkor aniqlovchi 4 ming dona ekspress-test olib kelindi.
Mazkur testning afzalligi shundaki, uning natijasini uzoq kutib o‘tirish shart emas, atigi 5-10 daqiqada ma’lum bo‘ladi.
Ekspress-test nafaqat koronavirusni yuqtirganligini aniqlab beradi, balki ilgari bemor bu kasallikka duchor bo‘lgan yoki bo‘lmaganini ham ko‘rsatadi. Eng asosiysi, vaqt tejaladi.
Bu ekspress-testlardan chegara-nazorat o‘tkazish maskanlari, yirik tashkilot va korxonalarda foydalanish boshlandi.