Bugun 25 sentyabr kuni Farg‘ona viloyati faollarining yig‘ilishi bo‘lib o‘tdi. Unda tashkiliy masala ko‘rib chiqildi. Bu haqda Farg‘ona viloyati hokimligi axborot xizmati xabar berdi.
Ma’lum qilinishicha, boshqa ishga o‘tganligi sababli Farg‘ona viloyati hokimi Shuhrat G‘aniyev vazifasidan ozod etildi.
Shuhrat G‘aniyev O‘zbekiston bosh vaziri o‘rinbosari etib tayinlanishi kutilmoqda
Yig‘ilishda O‘zbekiston Respublikasi Prezidentining tavsiyasiga ko‘ra ilgari Namangan viloyati hokimi bo‘lib ishlagan Xayrullo Bozorov Farg‘ona viloyati hokimi vazifasini bajaruvchi etib tasdiqlandi.
Faollar yig‘ilishida O‘zbekiston Respublikasi Bosh vaziri Abdulla Aripov, O‘zbekiston Respublikasi Prezidenti Administratsiyasi rahbari Zaynilobiddin Nizomiddinovlar ishtirok etdi va so‘zga chiqdi.