Singapur kompaniyasi Toshkent viloyatida "Nurafshon siti" quradi
29.10.2020 10:58,
299
Singapurning Universal Success Enterprises va Toshkent viloyati hokimiyati "Nurafshon siti"ni qurish to‘g‘risida kelishib oldi, deb xabar beradi Dunyo agentligi.
Yangi shaharning umumiy maydoni taxminan 2,8 ming gektarni tashkil qiladi. Singapurlik mutaxassislar 2021 yilning birinchi choragiga qadar loyihaning texnik-iqtisodiy asosini (TIA) ishlab chiqishi kerak.
Moliyalashtirish to‘g‘ridan-to‘g‘ri xorijiy investitsiyalar yoki Universal Success Enterprises Limited tomonidan jalb qilingan xorijiy moliya institutlarining kredit liniyalari hisobidan amalga oshiriladi. Qurilish uchun zarur mablag‘ hajmi texnik-iqtisodiy asos tayyorlangandan so‘ng aniqlanadi.