O‘zgidromet xabariga ko‘ra, 7 yanvar kuni Farg‘ona vodiysi viloyatlarida kun davomida ba’zi joylarga yomg‘ir yog‘adi. Respublikaning tog‘li hududlarida esa biroz qor yog‘adi.
8-14 yanvar kunlari respublika hududi bo‘yicha asosan yog‘ingarchiliksiz ob-havo bo‘lishi kutilmoqda.
9-12 yanvar kunlari havo harorati kechalari -2…+3, kunduzi — +3…+8, ba’zi joylarda esa — +10…+12 darajagacha bo‘ladi. 13-14 yanvar kunlari kechalari — 0…+5, kunduzi — +8…+13 daraja atrofida bo‘ladi.
Yanvar oyining ikkinchi yarmida harorat kechalari -3…-8, kunduzi 0…+5 darajadan +8…+13 darajagacha, shimolda kechalari -10…-15 darajadan 0…-5 darajagacha va 0…-5 darajadan +3…+8 darajagacha o‘zgarib turishi mumkin.
Ikkinchi o‘n kunlikning boshida va uchinchi o‘n kunlikning ayrim kunlarida yomg‘ir va qor ko‘rinishidagi yog‘ingarchilik bo‘lishi kutilmoqda.