"Sirdaryoda qarg‘aydigan GAI xodimi" bor ekan
8.02.2021 20:50,
1539
Joriy yilning 8 fevral kuni ijtimoiy tarmoqda "Sirdaryoda qarg‘aydigan GAI xodimi" sarlavhasi ostidagi video lavha tarqaldi.
Video lavhada, Sirdaryo viloyati IIB YHXB YPX xodimi I.Yakubov haydovchi bilan o‘zaro muloqot vaqtida O‘zbekiston Respublikasi Vazirlar Mahkamasining 2018 yil 1 dekabrda 975-son qarori bilan tasdiqlangan Nizom hamda Ichki ishlar vazirining me’yoriy buyrug‘i talablaridan chetga chiqqanligi holati aks etgan.
Mazkur video lavha yuzasidan Sirdaryo viloyati IIB YHXB tomonidan xizmat tekshiruvi o‘tkazilmoqda. Tekshiruv xulosasi bo‘yicha qo‘shimcha ma’lumot beriladi.