Vazirlar mahkamasi mas’ul xodimi murojaat bilan kelgan sobiq mehribonlik uyi tarbiyalanuvchilariga masala hal qilinishi bo‘yicha tushuntirish berilganligini ta’kidladi. Uning so‘zlariga ko‘ra, murojaatchilar har biriga 100 mln so‘mdan pul to‘lab berilmasa, uylariga qaytmasliklarini aytib shart qo‘ygan. Hukumat apparati xodimi voqea Vazirlar mahkamasi binosida emas, binoning oldida, fuqarolar qabul qilinadigan hududda sodir bo‘lganligini ma’lum qildi.

Shuningdek, Sh. Saliyev murojaatchilar bilan birga kelgan homilador ayol, M.Toshqulovani hech kim itarmaganligini, unga qulaylik uchun stul taqdim etilganligini aytmoqda. 

Vazirlar mahkamasi xodimlari murojaatchilarga nisbatan haqoratomuz so‘zlar ishlatilmaganligini ta’kidlashdi.