Buyuk Britaniyaning sobiq bosh vaziri Uinston Cherchill kiygan korduroy shippaklari Bellmans kim oshdi uyi tomonidan o‘tkazilgan savdoda sotildi. Bu haqda Bellmans veb-sayti xabariga tayanib "Zamon.uz" internet nashri xabar bermoqda. Xaridor shippaklar uchun 55 ming dollarga yaqin pul to‘lagan. Dastlab, lot 14 dan 21 ming dollargacha baholangan. Shuningdek, kim oshdi savdosida Buyuk Britaniya bosh vaziri suv ichgan brend stakan ham sotildi. Ular uchun 25,4 ming dollar to‘lashgan.
Bungacha shippaklar va stakan shaxsiy kolleksiyada saqlangan. Ular 1998 yilda Cherchillning qarindoshlaridan kim oshdi savdosida sotib olingan.
Anjelina Joli yaqinda Cherchill chizgan suratni 11,5 million dollarga sotgandi. Mazkur surat «Al-Kutoubiya masjidining minorasi» deb nomlanib 1943 yilda Ruzveltga sovg‘a qilingan.
Sobiq vazir Cherchelga tegishli shippak va stakan kimoshdi savdosida sotildi
10.03.2021 16:15,
241