15 mart kuni O‘FA Hakamlik qo‘mitasi tomonidan «So‘g‘diyona» — «Turon» uchrashuvini boshqarib borgan bosh hakam Viktor Serazitdinovning o‘yin davomidagi xatti-harakatlari atroflicha tahlil qilindi va hakamlik faoliyatidan nomuayyan muddatga chetlatildi, deya xabar berdi O‘zbekiston futbol assotsiatsiyasi matbuot xizmati.
Eslatib o‘tamiz, 14 mart kuni O‘zbekiston Superligasining 2-turidan o‘rin olgan «So‘g‘diyona» — «Turon» uchrashuvida yuzaga kelgan holatlar jamoatchilik muhokamasiga sabab bo‘lgan edi. «Turon» jamoasi bosh murabbiyi Islombek Ismoilov o‘yindan keyin aynan hakamlik hamda futboldagi korrupsiya haqida gapirib, ularni kim nazorat qilishini, qachon bunday holatlarga nuqta qo‘yilishi haqida so‘ragan edi.