O‘zbekistonda 2020 yilning o‘tgan ikki oyi davomida 802 ta yo‘l-transport hodisasi sodir bo‘lgan. IIV YHXBB axborot xizmati xabariga ko‘ra, shundan 255 tasi o‘lim bilan yakunlangan.

Yanvar—fevral oylari davomida mamlakat hududi bo‘ylab sodir bo‘lgan YTHlar oqibatida jami 265 kishi: ularning 188 nafari — avariya joyida, 77 nafari — shifoxonalarda halok bo‘lgan. Shuningdek, avariyalar oqibatida 724 kishi turli darajadagi tan jarohatlarini olgan.

Jumladan, Qashqadaryo viloyatida 2 oy davomida 60 ta YTH sodir bo‘lgan. 13 ta avariya piyodalarning yo‘lning belgilanmagan joyidan o‘tishi, 10 ta hodisa esa tezlikni oshirish oqibatida yuzaga kelgan.