Oyoq to‘pig‘ini ko‘rsatib turadigan kalta shimlar va kalta paypoqlar hozir modada. Butun O‘zbekistonning deyarli barcha viloyatlarida yosh yigit va qizlar xuddi shu uslubda kiyinishmoqda. Biroq, sovuq mavsumlarda bunday kiyinish jiddiy kasalliklarga olib kelishi mumkin, deydi rossiyalik shifokorlar.
Ochiq to‘piq boldir-bilak bo‘g‘im bilan bog‘liq muammo keltirib chiqaradi, yallig‘lanish boshlanib, artrozga sabab bo‘ladi. Ochiq to‘piq oyoqda qon va limfa suyuqligi aylanishini izdan chiqaradi. Agar limfa aylanishi buzilsa, bundan immunitet ham aziyat chekadi.
Kalta shim umumiy tana shamollashiga olib keladi. Shuningdek, shamollash bilan bog‘liq xastaliklar ham kalta shim kiyish bilan yanada kuchayadi.
Xo‘sh, shuncha gapdan keyin ham hozirgiday ob-havoda kalta shim kiyib yuraverasizmi?