O‘zekspomarkaz ko‘rgazmalar pavilonida 5 ta maydonda Toshkent davlat texnika universiteti hamda Toshkent davlat Milliy universitetining ayrim fakultetlariga hujjat topshirgan yoshlar test sinovlaridan o‘tishdi.

Bu yerda birovning o‘rnidan kirmoqchi bo‘lgan va test qoidalarini buzgan o‘g‘il-qizlar aniqlanib, imtihonga kiritilmadi.

“Pasportda adashgansan, bu o‘zing emassan deb qaytaryapti. Kompyuterda ham boshqa qizning ismi kelib chiqyapti,”, deydi abituriyent qizlardan biri.

Ma’lum bo‘lishicha, abituriyent qizning o‘rniga yollangan qiz kirishga uringan. Ular shu binoning o‘zida hujjatlarini almashtirib olishgan.

Nazorat kuchli yo‘lga qo‘yilganligi bu holatni tezda aniqlashga yordam berdi.