Suriyadan otilgan raketa Shimoliy Kiprdagi Toshkent qishlog‘i yaqiniga kelib tushdi, deb yozadi BBC.
Shimoliy Kipr tashqi ishlar vaziri Qudrat Ozersoy raketaning Isroil harbiy havo hujumiga qarshi Suriya havodan mudofaa tizimidan uchirilgan bo‘lishi mumkinligini ma’lum qilgan. Mo‘ljaldan adashgan raketa 1 iyul yarim tunda Suriya qirg‘oqlaridan 225 kilometr olisdagi Toshkent qishlog‘iga borib qolgan. Raketa urilishi ortidan mahalliy o‘rmonda yong‘in boshlangan.
Mavjud ma’lumotlarga qaraganda, toshkentliklardan hech kim bu hodisa tufayli zarar chekmagan.