Qashqadaryoning Chiroqchi tumanidagi o‘rta maktab o‘quvchilari maktabda mushtlashuv uyushtirdi. O‘quvchilar videoga olib, ijtimoiy tarmoqlarga tarqatgan.

Viloyat xalq ta’limi boshqarmasi xabar berishicha, jang 20 sentyabr kuni Chiroqchi tumanidagi 1-maktab hududida sodir bo‘lgan. 2, 4 va 5-maktablarning 9-11-sinf o‘quvchilari maktabda uchrashgan hamda o‘zaro janjallashgan.

Mojaroning sababi noma’lumligicha qolgan. Qizlarning ota-onalari Ma’muriy Javobgarlik to‘g‘risidagi Kodeksning 47-moddasi (Bolalarni tarbiyalash va o‘qitish majburiyatlarini bajarmaslik) bo‘yicha qonun oldida javob beradi.

Qayd etilishicha, ota-onalariga 1 dan 5 baravargacha miqdorda jarima solish ko‘zda tutilgan.