Joriy yilning 26 mart kuni Narpay tuman ekologiya va atrof-muhitni muhofaza qilish nazorat inspeksiyasining davlat inspetorlari tomonidan tumanning “Guliston” MFY hududida istiqomat qiluvchi fuqaro tomonidan o‘ziga tegishli bo‘lgan avtoulov vositasini mahalla hududidan oqib o‘tuvchi mahalliy kanal bo‘yida suvdan foydalanish qoidalariga amal qilmay isrofgarchilikka yo‘l qo‘ygan holda texnika vositasini yuvishi oqibatida, suvni ifloslantirayotganligi ma’lum bo‘ldi.
Shu bois, mazkur fuqaroga nisbatan O‘zbekiston Respublikasi Ma’muriy javobgarlik to‘g‘risidagi qonunning 72-moddasi 1-qismiga binoan, ma’muriy bayonnoma rasmiylashtirilib, jarima qo‘llanildi.
2021 yil 25 mart kuni ham shahar va tumanlarda o‘tkazilgan ekologik nazorat tadbirlari davomida 4 nafar fuqaroning belgilanmagan joyga chiqindi tashlaganligi aniqlandi.
Bular:
Tayloq tumanida – 1 nafar
Narpay tumanida –1 nafar
Jomboy tumanida – 1 nafar
Pastdarg‘om tumanida – 1 nafar
Aniqlangan holatlar yuzasidan huquqbuzarlarning barchasiga O‘zbekiston Respublikasi «Ma’muriy javobgarlik to‘g‘risida»gi Kodeksning 91-moddasi 1-qismiga asosan ma’muriy bayonnoma rasmiylashtirilib, 1 mln 960 ming so‘m jarima belgilandi.