Tailand Sog‘liqni saqlash vazirligi Xitoyning Vuxan shahrida aniqlangan yangi noma’lum virusning oldini olish uchun mamlakat bo‘ylab aeroportlar va kasalxonalarda yuqori darajadagi ehtiyot choralarini ko‘rmoqda, deb yozmoqda Bangkok Post gazetasi.

Xabar qilinishicha, bunday choralar Xitoydan ko‘plab sayyohlar Tailandda Xitoy Yangi yili nishonlash uchun keladigan payt yaqinlashishi munosabati bilan amalga oshirilgan. Sog‘liqni saqlash vazirining o‘rinbosari Suxum Kanchanapimayning so‘zlariga ko‘ra, mutaxassislar Xitoydan to‘g‘ridan-to‘g‘ri reyslarni amalga oshiradigan mahalliy aeroportlarga kelgan sayyohlarni tekshiradilar. Vazirlik barcha xususiy va davlat kasalxonalariga kasallangan odamlarni davolashni buyurdi.

Dekabr oyining oxirida Xitoyning Vuxan shahrida yangi virus aniqlandi. Mutaxassislar ilgari bunday virusga duch kelishmagan edi. 11 yanvar kuni ushbu virusning birinchi qurboni topildi.