Taksichilik bilan shug‘ullanuvchi YaTTlar respublikaning qaysi hududida faoliyatini amalga oshirishidan qat’i nazar 2021 yil uchun har oylik 150 ming so‘m qat’iy belgilangan miqdordagi ijtimoiy soliqni to‘laydilar. Bu haqda Davlat soliq qo‘mitasi matbuot kotibi Muzaffar Nazarov ma’lum qildi.
Shuningdek, berilgan litsenziya varaqasi bo‘yicha bir yilga 245 ming so‘m miqdorida davlat boji undirilishi ta’kidlandi.
«Bunda 2021 yilda 1 sentyabrgacha YaTT sifatida davlat ro‘yxatidan o‘tganlar uchun davlat boji undirilmaydi», — dedi DSQ matbuot kotibi.
Eslatib o‘tamiz, 2021 yil 1 sentyabrdan boshlab YaTT sifatida taksi faoliyati bilan shug‘ullanish faqatgina mijozlarni izlash bo‘yicha interaktiv xizmat ko‘rsatuvchi kompaniyalar (agregatorlar) xizmati orqali amalga oshirilishi haqida xabar bergan edik.