Bu korrupsiyaga qarshi kurashish xalqaro standartlarini qonunchilikka implementasiya qilishni davom ettirish bo‘yicha yo‘l xaritasidan o‘rin olgan, deya xabar bermoqda «Gazeta.uz».
Yo‘l xaritasida IHTTning 4-raund monitoringi bo‘yicha 3-sonli tavsiyasi asosida aholini xabardorligini oshirish maqsadida puxta rejalashtirilgan va maqsadli ta’lim kompaniyalarini tashkil qilish belgilangan.
Barcha ta’lim va tarbiya muassasalarining o‘quv dasturlariga xorijiy tashkilotlar ekspertlarini jalb qilgan holda korrupsiyaga qarshi kurashish maxsus kurslari kiritiladi.
Jumladan, korrupsiyaning mavjud xavf-xatarlari asosida yagona metodologik talablar ishlab chiqilib, tasdiqlanadi. U bo‘yicha yagona o‘quv qo‘llanma yaratiladi hamda ta’lim mashg‘ulotlarining natijalari va ta’sirini baholash tartibi belgilanadi.