Dushanbedagi «Qasri Millat» qarorgohida prezident Shavkat Mirziyoyevni rasmiy kutib olish marosimi bo‘ldi.
Prezidentlar bir biriga rasmiy delegatsiya a’zolarini tanishtirdi. So‘ng Shavkat Mirziyoyev va Emomali Rahmonning tor doiradagi uchrashuvi boshlandi.
«Davlat rahbarlari O‘zbekiston va Tojikiston strategik sherikligi va ko‘p qirrali hamkorligining barcha jihatlarini ko‘rib chiqdilar, siyosiy muloqotni yanada mustahkamlash va investitsiyaviy hamkorlikni rivojlantirish, madaniy-gumanitar aloqalarni kengaytirishga alohida e’tibor qaratdilar», — deya ta’kidlandi xabarda.
«Birinchi bor Tojikistonda O‘zbekiston kinosi kunlari muvaffaqiyatli o‘tdi, yaqin orada mamlakatlarimiz yoshlari Farg‘ona vodiysida uchrashadi. Bir so‘z bilan aytganda, tarixiy yaqinligimiz bugun hayotga ko‘chmoqda», — dedi Shavkat Mirziyoyev.