Prezidentning tegishli qarori bilan Xadjibayev Abduhakim Mo‘minovich sog‘liqni saqlash vaziri etib tayinlandi. Bugunga qadar u sog‘liqni saqlash vazirining birinchi o‘rinbosari lavozimida ishlab kelayotgan edi.
Bugunga qadar Toshkent tibbiyot akademiyasining rektori vazifasida ishlab kelgan To‘ychiyev Laziz Nodirovich O‘zbekiston Respublikasi Prezidentining yoshlar, fan, ta’lim, sog‘liqni saqlash, madaniyat va sport masalalari bo‘yicha maslahatchisining birinchi o‘rinbosari vazifasiga tayinlandi.
Bugunga qadar O‘zbekiston Respublikasi Prezidentining yoshlar, fan, ta’lim, sog‘liqni saqlash, madaniyat va sport masalalari bo‘yicha maslahatchisi o‘rinbosari vazifasida ishlab kelgan Inoyatov Amrillo Shodiyevich Sog‘liqni saqlash vazirining birinchi o‘rinbosari etib tayinlandi.
Tibbiyot fanlari doktori, dotsent Amrillo Inoyatov bundan avval Buxoro davlat tibbiyot instituti rektori lavozimida ishlagan.
Bugunga qadar sog‘liqni saqlash vaziri lavozimida ishlab kelgan Alisher Qayumovich Shodmonov Toshkent tibbiyot akademiyasining rektori etib tayinlandi.