Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Teledarslar o‘tayotgan o‘qituvchilar Prezident maktablariga joylashtirildi (foto)
22.04.2020 11:04,  
688

Yurtimizda maktab o‘quvchilari uchun televizion darslar tayyorlashning uzluksizligini ta’minlash hamda tasvirga olish jarayonida ishtirok etayotgan o‘qituvchilar va ularning yaqinlarini koronavirus (COVID-19) infeksiyasidan himoya qilish maqsadida qo‘shimcha chora-tadbirlar ko‘rilmoqda.

Xalq ta’limi vazirligi matbuot xizmatining xabar berishicha, Hukumat komissiyasi teledarslarni tayyorlashda ishtirok etayotgan pedagoglar hamda O‘zbekiston milliy teleradiokompaniyasi xodimlarining COVID-19 infeksiyasini yuqtirib olishlarini oldini olish maqsadida darslarni tasvirga olish jarayonini kerakli sharoit – moddiy texnika bazasi va yotoqxonasi mavjud bo‘lgan Toshkent shahridagi Prezident maktabida tashkil etish bo‘yicha qaror qabul qildi.

O‘qituvchilarga chemodan va kerakli anjomlar taqdim etildi

Eslatib o‘tamiz, joriy yilning 30 mart kuni mamlakatimizda teledarslar namoyish etilishi boshlangan. Ushbu teledarslar Xalq ta’limi vazirligi hamda O‘zbekiston milliy teleradiokompaniyasi hamkorligida tayyorlanib, MTRK studiyalarida tasvirga olinayotgan edi.

Hozirgi kunga qadar o‘qituvchilar hamda teleradiokompaniya xodimlari uyidan O‘zbekiston milliy teleradiokompaniyasining Media markaziga qatnagan holda teledarslarni tayyorlayotgan edi. Onlayn-maktab loyihasining barcha ishtirokchilarini koronavirus (COVID-19) infeksiyasidan himoya qilish maqsadida teledarslarni bir joyda tayyorlash bo‘yicha qaror qabul qilindi.

Hukumat komissiyasining qaroriga ko‘ra, o‘qituvchilar va MTRK xodimlari teledarslarni Toshkent shahridagi Prezident maktabi binosida tasvirga olishni boshlashdi. Ushbu qaror birinchi navbatda loyihada ishtirok etayotgan pedagog va MTRK xodimlari hamda ularning yaqinlari sog‘lig‘ini himoya qilishga qaratilgan, — dedi Xalq ta’limi vaziri Sherzod Shermatov.

Loyihaning barcha 158 nafar ishtirokchilari koronavirusni aniqlash bo‘yicha virusologik tekshiruvdan o‘tkazildi va test natijalariga asosan Prezident maktabiga joylashtirildi. Pedagog va teleradiokompaniya xodimlari faoliyati uchun kerakli barcha sharoitlar yaratildi. Jumladan, jalb qilingan xodimlarga alohida yotoq anjomlari xarid qilindi.

Foto: XTV matbuot xizmati

Teledarslarni takomillashtirish maqsadida jalb etilgan mutaxassislar esa o‘z faoliyatini masofadan davom ettiradi. Ular teledarslarni suratga olish uchun materiallarni tayyorlashda va darslarni efirga uzatishdan avval ko‘rib chiqishga ko‘mak berishadi.

Foto: XTV matbuot xizmati

Tavsiya etamiz






Tavsiya etamiz

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан