Telegram messenjeri o‘zining rasmiy kanalida JavaScript dasturchilari uchun tanlov e’lon qildi. Tanlovning maqsadi telegramning web versiyasida “ro‘yxatdan o‘tish va kirish, xabarlar va suhbatlarni ko‘rish uchun oddiy va yangicha web-interfeys (tashqi ko‘rinish va boshqalar) yaratish”.

Foydalanuvchilar uchun qulay taraflardan biri, yaqin vaqtlarda messenjerning web versiyasi orqali ham ro‘yxatda o‘tish imkoni paydo bo‘ladi.

Mukofotning umumiy jamg‘armasi 200 ming AQSh dollari bo‘lib, uning ichiga 80 ming AQSh dollariga teng birinchi bosqich mukofot pullari ham kiradi. 3 bosqichdan iborat tanlov shu yilning 17 noyabriga qadar davom etadi.

Qiziquvchilar va dasturiy ta’minot bilan shug‘ullanuvchi professionallar tanlov haqida to‘liq ma’lumotni bu yerdan olishlari va qatnashishlari mumkin.