Termizdagi maktabda yong‘in sodir bo‘ldi. 6 ta yong‘in-qutqaruv guruhi yetib borgan
17.05.2021 11:55,
83
2021 yil 17 may kuni soat 10:00da Surxondaryo viloyati Termiz shahar S.Termiziy ko‘chasida joylashgan 6-umumta’lim maktabida yong‘in sodir bo‘lgan.
FVV axborot xizmati ma’lum qilishicha, hodisa joyiga Termiz shahar Favqulodda vaziyatlar bo‘limining 6 ta yong‘in-qutqaruv guruhlari soat 10:05da yetib borishib, soat 10:15da yong‘in qurshab olingan va soat 10:40da to‘liq bartaraf etilgan.
Yong‘in natijasida bino 2-qavatining taxminan 120 kv.m maydonda ichki va tom qismi yonib zaralangan.
Yong‘inning kelib chiqish sababi va zarar miqdori aniqlanmoqda.
Yong‘in oqibatida tan jaroxat olganlar yo‘q.