AQShda Texas shtati koronavirus pandemiyasi tufayli joriy etilgan cheklovlarni olib tashlashni boshlaydi. Tegishli farmon juma kuni shtat gubernatori Greg Ebbott tomonidan imzolandi.
Dushanba kuni shtatda parklar ochiladi, ammo odamlar bir qator talablarni bajarishlari kerak. Ular niqob taqishlari, bir-birlariga yaqinlashmasliklari va besh kishidan ortiq odam to‘planmasligi kerak.
Kelasi jumadan boshlab qator savdo do‘konlari qaytadan faoliyat ko‘rsata boshlaydi, faqat ular xaridlarni mijozlarning uylari yoki avtomobillariga yetkazib berishlari kerak.
Oxirgi ma’lumotlarga ko‘ra, Texasda 17,2 ming kishi koronavirusni yuqtirib olgan. Koronavirusdan vafot etish holati qayd etilmagan.